पारनेर तालुक्यातील राजकारणात नवा टर्निंग पॉईंट! 

 “मला विरोध हा ठराविक पुढाऱ्यांचा आहे, मात्र सामान्य जनता माझ्या सोबतच उभी आहे” – सुजित झावरे पाटील

 पारनेर तालुका – सध्या तालुक्यातील राजकारणात मोठी चर्चा रंगली आहे. जिल्हा परिषदेचे माजी उपाध्यक्ष सुझित झावरे पाटील यांनी स्पष्ट शब्दांत सांगितलं की त्यांना विरोध हा फक्त काही ठराविक पुढाऱ्यांकडून आहे, पण सामान्य जनता त्यांच्या सोबत उभी आहे. 

 गणेशोत्सवाच्या पार्श्वभूमीवर…
यादववाडी येथे श्री गणेश मंदिर सभामंडपाच्या बांधकामाचे भूमिपूजन नुकतेच झावरे यांच्या हस्ते पार पडले. या कार्यक्रमाला माजी सभापती गणेश शेळके अध्यक्षस्थानी होते, तर परिसरातील मान्यवर व ग्रामस्थ मोठ्या संख्येने उपस्थित होते. 

 झावरे यांनी यावेळी भाषणात जोरदार संदेश दिला:
 “आजवर झावरे कुटुंबाने जनतेची सेवा केली, पण त्या सेवेचा फायदा अनेक पुढाऱ्यांनी घेतला. निवडणूक संपली की माझ्या मतांची किंमत कमी करून मला राजकारणात टार्गेट केले जाते. जर मला त्रास देणं हा अजेंडा असेल, तर माझ्या मतांचा वापर कशाला करता?”

 “माझ्या मतांवर पदं मिळवायची, पण मनामध्ये तिरस्कार ठेवायचा – हे जर आधीच माहित असतं, तर तालुक्याचं चित्र आज वेगळं असतं.”

 एकटे विरुद्ध सगळे!
झावरे म्हणाले की, “आज चित्र असं आहे की सर्व पुढारी एका बाजूला आणि मी एकटा दुसऱ्या बाजूला. पण यामुळे मी मागे हटणार नाही. जनतेच्या मूलभूत हक्कांसाठी मी खंबीरपणे लढत राहणार.”

 राजकीय वारसा कायम!
“झावरे पाटील कुटुंबाचा राजकीय वारसा आम्ही संपन्नपणे पुढे नेणार आहोत. अनेक वेदना होत असल्या तरी त्या चेहऱ्यावर दाखवणार नाही. जनता माझ्या सोबत आहे, हेच माझं बळ आहे.”

 या कार्यक्रमाला सरपंच मीनाताई यादव, तुकाई देवस्थान अध्यक्ष राजेंद्र शेळके, शहांजापूरचे सरपंच अण्णा मोटे, रविंद्र पाडळकर, संतोष यादव, सुभाष यादव, रमेश औटी, संतोष शेळके, जालिंदर तानवडे आणि ग्रामस्थ मोठ्या संख्येने उपस्थित होते.

 सोशल मीडियावर या वक्तव्याची जोरदार चर्चा होत असून झावरे समर्थकांनी #जनतेचा_नेता #झावरे_पाटील हे हॅशटॅग ट्रेंडिंगवर आणले आहेत. 

 तुमचं मत काय? खरंच झावरे पाटील यांना विरोध फक्त ठराविक पुढाऱ्यांचाच आहे का?