राशीनमध्ये तणावानंतर लाठीमार आणि रास्ता रोको – चौकाच्या नावावरून पेटला वाद! 

 राशीनमध्ये तणावानंतर लाठीमार आणि रास्ता रोको – चौकाच्या नावावरून पेटला वाद! 

 काय घडलं नेमकं?
रविवारी मध्यरात्री कर्जत तालुक्यातील राशीन गावात महात्मा फुले चौकात अचानक भगवा झेंडा फडकवला गेला – तोही पोलीस बंदोबस्तात! यामुळे परिसरात तणाव निर्माण झाला आणि परिस्थिती नियंत्रणात आणण्यासाठी पोलिसांनी लाठीमार करत जमाव पांगवला.

 सोमवारी सकाळी संघर्ष उफाळला!
सकल ओबीसी समाज आणि क्रांतिसूर्य महात्मा फुले फाउंडेशनने तहसील कार्यालयासमोर जोरदार घोषणाबाजी करत रास्ता रोको आंदोलन छेडलं.

 काय आहे वादाचा मुळ मुद्दा?
महात्मा फुले चौकाचे नाव संभाजी महाराज चौक करण्याचा प्रयत्न झाल्याचा आरोप
 मध्यरात्री भगवा झेंडा फडकवून जल्लोष
 जाणीवपूर्वक दोन समाजांत तेढ निर्माण करण्याचा प्रयत्न

 ओबीसी समाजाचे म्हणणे:
“महात्मा फुले चौकाचा रीतसर ग्रामसभेच्या ठरावाने नामकरण झालं आहे. गेली २५ वर्षं फुले जयंती-पुण्यतिथी तिथे साजरी होते. नाव बदलण्याचा हा प्रयत्न निंदनीय आहे!”

 पोलिसांकडून आश्वासन:
चौकात कडक बंदोबस्त ठेवण्यात येणार असून, बैठक घेईपर्यंत नामांतराचा निर्णय होणार नाही – उपविभागीय अधिकाऱ्यांचे स्पष्टीकरण.

 सकल मराठा समाजाचा प्रत्युत्तर:
“फुले हे आमचेही आराध्य. चौकाचे नाव बदलण्याचा हेतू नाही. फक्त भगवा झेंडा उभारला गेला. पोलीस आणि काही विघ्नसंतोषींनी मुद्दाम तणाव निर्माण केला – याचा निषेध!”

 सध्या राशीनमध्ये शांतता कायम असली तरी तणावपूर्ण वातावरण!

 सामाजिक सलोखा टिकवणं काळाची गरज!
 महापुरुषांचा सन्मान – कोणत्याही समाजाने राजकारणाचा विषय बनवू नये!