रुग्णवाहिका गायब!

 रुग्णवाहिका गायब! सर्पदंश झालेल्या महिलेला खासगी गाडीतून रुग्णालयात हलवलं – ‘ग्रामीण रुग्णालय की सुविधा-शून्य शोकांतिका?’

पारनेर | ४ ऑगस्ट
“सर्पदंश झाला, रुग्णालयात दाखल केलं, पण रुग्णवाहिका मात्र गायब!” – पारनेरच्या पुणेवाडी येथे घडलेली ही घटना आरोग्य यंत्रणेच्या नाकर्तेपणाचं जिवंत उदाहरण ठरत आहे.

शेतात काम करत असताना जयश्री पुजारी या महिलेचा सर्पदंश झाला. नातेवाईकांनी त्यांना तातडीने ग्रामीण रुग्णालयात दाखल केलं. पण… डॉक्टर नव्हते हजर, वेळ गेला, आणि मग कनिष्ठ वैद्यकीय अधिकारी डॉ. प्रिया शिरसाठ आल्या. त्यांनी प्राथमिक उपचार दिले आणि पुढील उपचारांसाठी जिल्हा रुग्णालयात हलविण्याचा सल्ला दिला.

 पण खरी धक्का देणारी गोष्ट इथेच सुरू होते –
108 आणि 102 क्रमांकाच्या रुग्णवाहिका उपलब्ध नव्हत्या!
पारनेर, सुपे, टाकळी ढोकेश्वर, निघोज – कुठेही गाडी नव्हती तत्काळ!
कॉन्ट्रॅक्टवर असलेल्या चालकांना फोन केला तरी ते येईनासे झाले.

 अखेर, नातेवाईकांनी स्वतःच्या खासगी वाहनाने रुग्णाला शिरूरला हलवले.
तणाव, घाई, आणि वैद्यकीय अनागोंदीच्या गोंधळात एक मोठा प्रश्न पुन्हा ऐरणीवर आला –
“ग्रामीण भागात लोकांच्या जीवाचं काय?”

 याच काळात शवविच्छेदनगृह सुद्धा बंद असल्याने अपघातग्रस्त मृतदेहाची तपासणी पारनेरऐवजी टाकळी ढोकेश्वरला झाली.
आरोग्य यंत्रणेचा ‘डिस्कनेक्ट’ पुन्हा समोर आला आहे!

 डॉक्टर्स आहेत, पण वेळेवर नाहीत!
 वाहनं आहेत, पण चालवतंय कोण?
 सिस्टम आहे, पण चालतेय कुठे?

#ग्रामीणआरोग्यधोका #SnakebiteNegligence #AmbulanceMissing #ParnerCrisis #MetroNewsExclusive