जलहक्क संघर्ष समितीचा मोठा खुलासा!

 

46 ते 52 वितरिका शेतकऱ्यांनी काळजी करू नये

 पाणी एक थेंबही कमी होणार नाही

येवला | 15 सप्टेंबर 2025

अलीकडे सोशल मीडियावर आणि स्थानिक चॅनेल्सवर जोरदार चर्चा रंगली होती की 46 ते 52 वितरिका लाभधारक शेतकरी मोठं आंदोलन करणार आहेत . “धामणगाव ते पांजरवाडी चारी” या चर्चेमुळे शेतकरी बांधवांमध्ये संभ्रम आणि भीतीचं वातावरण निर्माण झालं होतं. पण आता जलहक्क संघर्ष समितीने स्पष्ट खुलासा केला आहे अशा कुठल्याही चार्‍याचा प्रस्ताव नाही आणि आपल्या वाट्याचं पाणी एक थेंबही कमी होणार नाही!

समितीचा संदेश शेतकरी बांधवांना :

चिंता सोडा!
खामगाव, रास्ता सुरेगाव, बोकटे, दुगलगाव, गवंडगाव, देवठाण, भायखेडा आणि पूर्व अंदरसूल भागातील सर्व शेतकऱ्यांनी कुठल्याही अफवांवर विश्वास ठेवू नये.

समितीचे संयोजक भागवतराव सोनवणे यांनी पत्रकार परिषदेत सांगितलं की,

“धामणगाव ते पांजरवाडी अशी कुठलीही चारी होणार नाही. त्यामुळे शेतकऱ्यांच्या वाट्याचं सध्याचं पाणी कमी होणार नाही. उलट 46 ते 52 वितरिका आठमाही करण्यासाठी मंत्री छगन भुजबळ साहेब सातत्याने पाठपुरावा करत आहेत.”

---

खरी तथ्ये शेतकरी बांधवांसाठी

शासनाकडे कुठलाही प्रस्ताव प्रलंबित नाही.
काही शेतकऱ्यांनी जनता दरबारात मागणी केली होती म्हणून फक्त खाजगी पाहणी झाली. ही सर्वेक्षण नसून केवळ प्राथमिक पाहणी होती.
पाहणीत निष्पन्न झालं की पाणी 15 फूट उचलावं लागेल, जे तांत्रिकदृष्ट्या अशक्य आहे.
अशा लिफ्ट योजनेचा खर्च प्रचंड असल्याने शासनाकडे ती योजना परवडणारी नाही.
लाभव्यय गुणोत्तर नकारात्मक असल्यामुळे योजना व्यवहार्य नाही.

---

छगन भुजबळ साहेबांचा विश्वास

भागवतराव सोनवणे म्हणाले –

“मी स्वतः छगन भुजबळ साहेबांचे विश्वासू सहकारी आणि राष्ट्रवादी प्रदेश सरचिटणीस यांच्याशी संवाद साधला आहे. त्यांनी 100% खात्री दिली आहे की शेतकऱ्यांच्या पाण्यावर गदा येणार नाही.”

---

खरी मागणी काय आहे?

सोनवणे यांनी स्पष्ट केलं की खरी आणि मूळ मागणी म्हणजे –
46 ते 52 वितरिका आठमाही करणे.

यासाठी सातत्याने प्रयत्न सुरू असून, दमणगंगा–एकदरे नदी जोड मुळे वाघाडमध्ये अतिरिक्त पाणी उपलब्ध होणार आहे. त्यातून वितरिका आठमाही करणे सोपे होईल.

---

शेतकरी बांधवांनो – एकत्र या!

जलहक्क संघर्ष समितीने सर्व शेतकऱ्यांना आवाहन केलं आहे की भीती, गैरसमज आणि अफवांना बळी न पडता खरी मागणी पुढे रेटण्यासाठी एकत्र राहावं. मंत्री छगन भुजबळ साहेब यांना पुन्हा भेटून मागणीचा पाठपुरावा करूया.

---

शेवटी एकच संदेश :

अफवांवर विश्वास ठेवू नका!
आपल्या हक्काचं पाणी सुरक्षित आहे!
आठमाही वितरिका हीच खरी लढाई आहे!

---

आपला –
भागवतराव सोनवणे
संयोजक, जलहक्क संघर्ष समिती, येवला
मो. 8806272733