🚨 पुण्यातील मोठी सोशल मिडिया ब्रेकिंग! 🚨

पुणे शहरात समाजसेवेच्या क्षेत्रातील प्रेरणादायी क्षण!

Last updated Aug 19, 2025

🚨 पुण्यातील मोठी सोशल मिडिया ब्रेकिंग! 🚨

पुणे शहरात समाजसेवेच्या क्षेत्रातील प्रेरणादायी क्षण!

“प्रेरणास्थान बाबा आमटे पुरस्कार” यंदा समर्पित कार्यकर्ता अजित कुलकर्णी यांना प्रदान करण्यात आला

. गेली तब्बल १७ वर्षे दिव्यांग पुनर्वसनासाठी झटणाऱ्या या व्यक्तिमत्वाच्या कार्याला समाजाने मानाचा मुजरा दिला.

हा सोहळा इन्स्पायर ट्राईब आणि प्रकाशवाटा फाउंडेशन यांच्या वतीने स्वातंत्र्यदिनी पुण्यात कर्वे रोडवरील अंबर हॉल येथे झाला.
सोहळ्याला लोकबिरादरी प्रकल्प हेमलकसा चे संचालक अनिकेत आमटे, पद्मश्री सिंधुताई सपकाळ यांच्या कन्या ममता सिंधू सपकाळ आणि पुणे बिग एफएम चे लोकप्रिय आरजे संग्राम विशेष उपस्थित होते.

या कार्यक्रमात अनिकेत आमटे यांनी अजित कुलकर्णी यांच्या कामाचे कौतुक करताना सांगितले –
“ग्रामीण भागातील दिव्यांगांसाठी आनंद साधना प्रकल्प जे काम करतो आहे ते खूप महत्त्वाचे आहे. अजित हे प्रामाणिक कार्यकर्ते असून त्यांचे योगदान मोलाचे आहे.”

सोहळ्यातील खास आकर्षण म्हणजे आनंद साधना संस्थेला देणगीदारांच्या मदतीने ७५ हजार रुपयांचा निधी सुपूर्त करण्यात आला. या निधीतून दिव्यांग रोजगार केंद्रासाठी रिक्षा घेण्यात येणार आहे .

या वेळी ममता सिंधू सपकाळ यांनी आई पद्मश्री सिंधुताई सपकाळ यांच्या आठवणींना उजाळा दिला. तर आरजे संग्रामने पुण्याच्या सामाजिक बदलात तरुणाई कसा हातभार लावू शकते, हे सांगत प्रेक्षकांचे लक्ष वेधले.

अजित कुलकर्णी यांनी पुरस्कार स्वीकारताना भावनिक होत सांगितले की –
“२२ वर्षांपूर्वी बाबा आणि साधना आमटे यांच्या कार्यातून प्रेरित होऊन मी सामाजिक कामाला सुरुवात केली. आज आनंद साधना संस्थेमार्फत आम्ही ग्रामीण भागातील दिव्यांगांना रोजगार, शिक्षण व पुनर्वसनाचे नवे मार्ग दाखवतो आहोत. समाजातील दाते आणि संस्था जर हातभार लावत राहिल्या तर हे काम अधिक व्यापक होईल.”

सोशल मीडियावरून अभिनेता श्रेयस तळपदे, नाम फाउंडेशन चे मकरंद अनासपुरे, अभिनेत्री सुकन्या मोने-कुलकर्णी, भार्गवी चिरमुले, तसेच डॉ. प्रकाश बाबा आमटे यांनी अजित कुलकर्णी आणि आनंद साधना प्रकल्पासाठी मदतीचे आवाहन केले आहे.

या कार्यक्रमाला डॉ. रंजन केळकर (भारतीय हवामान शास्त्रज्ञ), विवेक वेलणकर (कायदा अभ्यासक), डॉ. कल्पना संचेती, मकरंद वैद्य यांसारख्या मान्यवरांनी हजेरी लावली.

कॅप्शन: “प्रेरणास्थान बाबा आमटे पुरस्कार स्वीकारताना अजित कुलकर्णी आणि उपस्थित मान्यवरांचा आनंददायी क्षण!”

या पुरस्काराने पुन्हा एकदा सिद्ध केले आहे की खरी समाजसेवा करणाऱ्यांना समाज कधीच विसरत नाही!
#Pune #BabaAmteAward #AjitKulkarni #Inspiration #SocialWork #MetroNews

#पद्मश्री सिंधुताई सपकाळ # बाबा आमटे पुरस्कार