ईशा एंटरप्रायजेसच्या १९ व्या वर्धापन दिनी , नचिकेत बालग्रामला सी सी टी व्ही भेट.
... त्यामुळेच या संस्थेला सी सी टी व्ही आणि परिसर सुरक्षा उपकरणाची खूप गरज होती
पुणे :
पुण्यासह महाराष्ट्रात सी सी टी व्ही आणि सुरक्षा तंत्रज्ञानात मोठे नाव असलेल्या ईशा एंटर प्रायजेस , वल्ड ऑफ टेक्नॉलिजीचा १९ वा वर्धापन दिन नुकताच साजरा झाला . यानिमित्ताने कंपनीच्या सी एस आर फंडातून चिंचवड येथील नचिकेत बालग्राम या संस्थेला सी सी टी व्ही यंत्रणा भेट देण्यात आली .नचिकेत बालग्राम ही संस्था शेकडो निराधार बालकांना आधार देते . त्यांचे शिक्षण आणि संगोपनाचे काम करते . त्यामुळे या संस्थेला सी सी टी व्ही आणि परिसर सुरक्षा उपकरणाची खूप गरज होती . हे लक्षात घेऊन इशा एंटर प्रायजेस चे मुख्य कार्यकारी अधिकारी राहुल मुथा यांनी ही मदत करण्याचा निर्णय घेतला निराधारांचा सांभाळ करणाऱ्या संस्थांना मदत करण्यासाठी वेळोवेळी पुढे आले पाहिजे त्यासाठी आपण हा मदतीचा हात पुढे केल्याचे राहुल मुथा यांनी म्हंटलेआहे.
See This Also
अत्यंत हालाखीच्या परिस्थतीत जीवन जगलेल्या आणि परिस्थिती मुळे शिक्षणात मागे पडलेल्या राहुल मुथा यांनी जिद्द मेहनत आणि चिकाटीच्या जोरावर १८ वर्षांपूर्वीसुरु केलेला व्यवसाय हा प्रगतीच्या उत्तुंग शिखरावर नेऊन ठेवला आहे .
सी सी टी व्ही जगतातील अद्ययावत तंत्रज्ञानाची उपकरणे वितरित करणाऱ्या ईशा एंटर प्रायजेस ने राज्यभर मोठे नाव कमावले आहे. पुण्यासह ,कोल्हापूर , नासिक आणि अहमदनगर मध्ये ही त्यांनी आपल्या व्यवसायाचे जाळे विणले आहे. प्रमा हिक व्हिजन कंपनीचे संस्थापक आशिष धकाण यांच्या मार्गदर्शनाखाली आपली वाटचाल यशस्वी करणाऱ्या राहुल मुथा यांनी ईशा एंटर प्रायजेसच्या माध्यमातून मोठे विश्व उभे केले आहेत. दर्जेदार उत्पादने , ग्राहकाभिमुख सेवा आणि आपले सहकारी कर्मचाऱ्यांचा उत्कर्ष या त्रिसूत्री द्वारे आपण हे यश संपादन केले असल्याचे मुथा यांनी सांगितले .
या यशस्वीतेनंतर आपण देखील आपल्या समाजाचे देणे लागतो ही सामाजिक बांधिलकी जपत मुथा यांनी नचिकेत बालग्राम संस्थेला मदत दिली आहे.
नचिकेत बालग्राम संस्थेचे अध्यक्ष भालचंद्र ब्राम्हेचा बाबूजी यांनी या मदतीचा स्वीकार केला . यावेळी राहुल यांच्या मातोश्री लक्ष्मी मुथा , पत्नी सोनाली व मुले ईशा आणि ऋषभ उपस्थित होते.
