पारनेरच्या ५४ गावांसाठी आनंदाची बातमी – डोंगरी विभागात समावेश, आता मिळणार शिक्षण व नोकरीत विशेष सवलती!
उपसचिव नि. भा. खेडकर यांनी १३ मार्च २०२४ रोजी यासंदर्भातील सुधारित यादी प्रसिद्ध केली आहे.
राज्य सरकारच्या निर्णयानुसार पारनेर तालुक्यातील ५४ गावांचा समावेश डोंगरी विभाग विकास योजनेत करण्यात आला आहे. उपसचिव नि. भा. खेडकर यांनी १३ मार्च २०२४ रोजी यासंदर्भातील सुधारित यादी प्रसिद्ध केली आहे.
फायदे काय?
या गावांतील नागरिकांना आता डोंगरी दाखला मिळेल, ज्यामुळे विद्यार्थ्यांना शैक्षणिक सवलती व स्पर्धा परीक्षांमध्ये आरक्षणाचा लाभ मिळणार आहे. तसेच सरकारी नोकऱ्यांमध्येही प्राधान्य मिळणार आहे.
यादीतील काही गावं:
भोंद्रे, ढोकी, पिंपरी गवळी, राळेगण सिद्धी, पठारवाडी, वाळवणे, पुणेवाडी, कळस सावरगाव, तिखोल, गोरेगाव, डोंगरवाडी, पोखरी, गारखिंडी, शेरी कोलदरा अशा एकूण ५४ गावांचा समावेश यामध्ये आहे.
ग्रामीण विद्यार्थ्यांसाठी ही सुवर्णसंधी असून शिक्षण आणि रोजगाराच्या दृष्टीने हा निर्णय गेमचेंजर ठरणार आहे. नागरिकांमध्ये आनंदाचं वातावरण असून, यामुळे गावांचा सर्वांगीण विकास वेगाने होईल, अशी अपेक्षा व्यक्त केली जात आहे