अहिल्यानगरमध्ये एक नंबर लिंबाला सात हजारांचा भाव!

अहिल्यानगर : येथील दादापाटील शेळके कृषी उत्पन्न बाजार समितीत लिंबाचे लिलाव झाले. यामध्ये एक नंबर लिंबाला सात हजार रुपये प्रतिक्विंटलला भाव मिळाला. येथील बाजार समितीच्या आवारात २७.८५ क्विंटल लिंबाची आवक झाली. यामध्ये लिंबाला कमीत कमी १५०० व जास्तीत जास्त सात हजार रुपयांचा भाव मिळाला. लिंबाला सरासरी ४२५० रुपयांचा भाव मिळाला. सध्या किरकोळ बाजारात लिंबाची ९० ते १०० रुपये किलो दराने विक्री होत आहे. लिंबाला मागणी वाढलेली आहे. त्यामुळे आगामी काळात लिंबाच्या भावात वाढ होण्याची शक्यता आहे.