मराठा सोयरीक संस्थेचा १०० वा मेळावा – १०० मेळाव्यांचे ‘शतक’ पूर्ण!

शशिकांत गाडे सर म्हणाले – “ही समाजासाठी अभिमानाची गोष्ट आहे!”

अहिल्यानगर (प्रतिनिधी) – समाजात नातेसंबंध जोडणारे कार्य हे केवळ सेवा नसून एक सामाजिक क्रांती आहे, आणि ही क्रांती घडवली आहे मराठा सोयरीक संस्थेने! संस्थेने नुकताच आपला १०० वा मोफत वधू-वर परिचय मेळावा आयोजित करून एक ऐतिहासिक टप्पा गाठला आहे!

हा भव्य मेळावा हॉटेल यश ग्रँड, नगर शहरात अखंड मराठा समाज व मराठा सोयरीक संस्था यांच्या संयुक्त विद्यमाने उत्साहात पार पडला. या प्रसंगी अहिल्यानगर शिवसेना जिल्हाप्रमुख शशिकांत गाडे सर यांनी उपस्थित राहून सांगितले –

“१०० मेळावे म्हणजे फक्त आकडा नाही, तर १००० हसऱ्या चेहऱ्यांच्या कहाण्या आहेत. हे कार्य समाजाला दिशा देणारे आणि प्रेरणा देणारे आहे!”

या सोहळ्यात संस्थेच्या अत्याधुनिक वेबसाईट आणि मोबाईल ॲपचे उद्घाटन प्रसिद्ध रीलस्टार सनी सकट आणि जान्हवी लटके यांच्या हस्ते झाले. या ॲपद्वारे युवक-युवतींना लग्नाच्या नोंदणीसाठी सोपी व आधुनिक सुविधा उपलब्ध होणार आहेत .

मेळाव्यासाठी महाराष्ट्रातील विविध जिल्ह्यांतून वधू, वर आणि पालक मोठ्या संख्येने उपस्थित होते. संस्थेचे संस्थापक अध्यक्ष अशोक कुटे यांनी सांगितले की,

“आजवर आम्ही 5000 पेक्षा जास्त विवाह जुळवले आहेत आणि त्यात 567 विवाह हे विधवा, विदूर आणि घटस्फोटित व्यक्तींचे झाले आहेत. हे समाजातील संवेदनशील परिवर्तनाचे उदाहरण आहे.”

मेळाव्याच्या उद्घाटनप्रसंगी मान्यवर म्हणून रमाकांत नाना गाडे, महेश गाडे, प्रा. राजाराम मुंगसे (सिन्नर), संचालिका जयश्री कुटे, पारुनाथ ढोकळे, उद्योजक शरद ठाणगे, मधुकर निकम, हरिश्चंद्र दळवी, सयाजी निमसे, गोरक्षनाथ पटारे, मनोज सोनवणे, शशिकांत भांबरे, शांतीलाल कोहक, अनिल अकोलकर, प्रमोद झावरे, प्रा. योगेश कोतकर, संगीता ठुबे, मंदा कोतकर आदी मान्यवर उपस्थित होते .

प्रा. राजाराम मुंगसे म्हणाले –

“आजच्या काळात लग्न जमवणे अवघड झाले आहे, पण मराठा सोयरीक संस्थेने हे अशक्य कार्य शक्य करून दाखवले आहे. हे समाजहिताचे खरे उदाहरण आहे!”

कार्यक्रमाचे सूत्रसंचालन हरिश्चंद्र दळवी यांनी अत्यंत प्रभावीपणे केले, तर आभार पारुनाथ ढोकळे सर यांनी मानले .
वधू-वरांचे बायोडाटा वाचन जयश्री कुटे यांनी सुसंगतपणे सादर केले .

जे पालक वा युवक-युवती मेळाव्यात उपस्थित राहू शकले नाहीत, त्यांनी ८४५३९०२२२२ या क्रमांकावर संपर्क साधावा, असे आवाहन संस्थेच्या वतीने करण्यात आले आहे .

शशिकांत गाडे सर म्हणाले –

“अशा संस्थांमुळे समाजात सकारात्मक बदल घडतो. १०० मेळावे पूर्ण करणे म्हणजे सेवा, संयम आणि समर्पणाचा शतक!”

कार्यक्रमाचे मुख्य आकर्षण म्हणजे सामाजिक एकता आणि आधुनिक तंत्रज्ञानाचा संगम!
‘मराठा सोयरीक’ ने हे सिद्ध केले आहे की, जेव्हा सेवा आणि सदिच्छा एकत्र येतात तेव्हा समाज प्रगतीचा नवा इतिहास लिहितो

फोटो ओळी –
मराठा सोयरीक संस्थेच्या १०० व्या मोफत वधू वर मेळाव्यात मार्गदर्शन करताना शिवसेना जिल्हाप्रमुख शशिकांत गाडे सर
मराठा सोयरीक संस्थेच्या १०० व्या वधू वर मेळाव्याच्या उद्‌घाटन प्रसंगी रीलस्टार सनी सकट, जान्हवी लटके आणि सर्व मान्यवर उपस्थित

“शतक फक्त क्रिकेटमध्येच नाही… आता समाजसेवेतही गाठले आहे!”
#MetroNews #Ahilyanagar #MarathaSoyarik #SocialInitiative #MarriageMela #ShashikantGade #AshokKute #100MelavaCelebration