नवनागापुरच्या संरपंच पदी डॉ. बबनराव डोंगरे व उपसंरपच पदी संगीता सप्रे यांची बिनविरोध निवड

नगर : नवनागापुरच्या संरपंच पदी डॉ. बबनराव डोंगरे औद्योगिक विकासाला चालना देऊन नगर एमआयडीसी मध्ये नविन उद्योग आणण्यासाठी प्रयत्न करणार आहे. या माध्यमातून युवकांना रोजगार उपलब्ध होणार आहे. तसेच नवनागापुरच्या विकासाला चालना मिळणार आहे. ग्रामपंचायत ही गावच्या विकासामधील मुख्य दुवा आहे. ग्रामपंचायतच्या माध्यमातून विविध योजना शेवटच्या घटकापर्यंत घेऊन जाण्याचे काम होते. केंद्र व राज्य सरकारच्या माध्यमातून विविध योजना गावामध्ये राबविण्यात येत असतात. निवडणुका संपल्या की गावाने आपआपसातले मतभेद विसरुन गावच्या विकासाकडे एकजूटीने काम करावे. असे प्रतिपादन नवनिर्वाचित संरपच डॉ. बबनराव दशरत डोंगरे यांनी केले.

नवनागापुर ग्रामपंचायच्या संरपच पदी डॉ. बबनराव डोंगरे व उपसंरपंच पदी संगीता दत्तात्रय सप्रे यांची निवडणूक निर्णय अधिकारी जिल्हा कौशल्य विकास अधिकारी रविकुमार पंतग, व ग्रामविकास अधिकारी एस.व्ही. मिसाळ यांनी बिनविरोध निवड जाहीर केली. यावेळी सदस्य महेश काडेकर, गोरक्षनाथ गव्हाणे, मगल गोरे, कल्पना गिते, दिपक गिते, रंजना दांगट, सागर सप्रे, हेमा चव्हाण, सत्यभागा डोंगरे, अर्जुन सुनवणे, राहुल भोर, सुशिला जगताप, संगीता भापकर, स्वाती सप्रे आदी उपस्थित होते.