**राष्ट्रवादी काँग्रेस (शरदचंद्र पवार गट) मध्ये नवचैतन्य!

चिचोंडी पाटील गावाचे सरपंच शरद पवार यांची तालुकाध्यक्षपदी निवड

Last updated Nov 5, 2025

**राष्ट्रवादी काँग्रेस (शरदचंद्र पवार गट) मध्ये नवचैतन्य!

चिचोंडी पाटील गावाचे सरपंच शरद पवार यांची तालुकाध्यक्षपदी निवड
तरुण नेतृत्वाला संधी – खासदार निलेश लंके यांची ग्वाही **

अहिल्यानगर (प्रतिनिधी):
आगामी जिल्हा परिषद व पंचायत समिती निवडणुकीच्या पार्श्वभूमीवर राष्ट्रवादी काँग्रेस (शरदचंद्र पवार गट) मध्ये संघटनात्मक बदलाचे वारे जोरात!
अहिल्यानगर तालुक्यात चिचोंडी पाटील गावाचे सरपंच शरद पवार यांची तालुकाध्यक्षपदी निवड होताच पक्षात आनंदाचं वातावरण निर्माण झालं आहे

प्रदेशाध्यक्ष आमदार शशिकांत शिंदे यांच्या आदेशानुसार ही निवड करण्यात आली असून,
पक्षाचे जिल्हा निरीक्षक खासदार निलेश लंके, माजी मंत्री प्राजक्तदादा तनपुरे, ज्येष्ठ नेते किसनराव लोटके, जिल्हा परिषद सदस्य माधवराव लामखडे, बाळासाहेब हराळ, जिल्हा सरचिटणीस सिताराम काकडे, उपाध्यक्ष प्रकाश पोटे, तसेच उद्धवराव दुसुंगे, शरद बडे, केशव बेरड, पापामिया पटेल, चंदूकाका पवार यांच्या उपस्थितीत शरद पवार यांना तालुकाध्यक्षपदाचे पत्र प्रदान करण्यात आले

या वेळी महाविकास आघाडीचे नेते मोठ्या संख्येने उपस्थित होते.
शिवसेना जिल्हाप्रमुख शशिकांत गाडे, काँग्रेस जिल्हा उपाध्यक्ष संपतभाऊ मस्के, जिल्हा परिषद उपाध्यक्ष प्रताप पाटील शेळके, माजी चेअरमन बाबासाहेब गुंजाळ, ज्येष्ठ नेते आबा कोकाटे, शिवसेना तालुकाप्रमुख राजेंद्र भगत, काँग्रेस तालुकाध्यक्ष अरुण मस्के तसेच डॉ. मारुती ससे, गणेश तोडमल, महेंद्र शेळके, संदीप कोकाटे, पोपट निमसे, वैभव कोकाटे, प्रकाश कांबळे, संतोष कोकाटे, बाबा सय्यद आदींसह कार्यकर्त्यांचा उत्साह पाहायला मिळाला

नूतन तालुकाध्यक्ष शरद पवार म्हणाले –

“देशाचे नेते आणि राष्ट्रवादी काँग्रेस (शरदचंद्र पवार गट) चे राष्ट्रीय अध्यक्ष शरदचंद्रजी पवार साहेब यांच्या मार्गदर्शनाखाली, शाहू–फुले–आंबेडकर आणि छत्रपती शिवाजी महाराज यांच्या विचारधारेवर आधारित समाजकारण करीत आलो आहे. प्रदेशाध्यक्ष शशिकांत शिंदे, खासदार निलेश लंके आणि प्राजक्तदादा तनपुरे यांनी दाखवलेला विश्वास मी नक्की सार्थ ठरवीन.”

त्यांनी पुढे सांगितले की,

“येणाऱ्या जिल्हा परिषद व पंचायत समिती निवडणुकीत महाविकास आघाडीचे उमेदवार मोठ्या मताधिक्याने विजयी करण्यासाठी मी आणि माझी टीम जोमाने कामाला लागणार आहोत .”

खासदार निलेश लंके यांनी सांगितले –

“शरद पवार हे सर्वसामान्यांच्या प्रश्नांवर निर्भीडपणे भूमिका घेणारे नेतृत्व आहे. त्यांच्या नेतृत्वाखाली तालुका संघटना अधिक बळकट होईल, असा मला पूर्ण विश्वास आहे.”

माजी मंत्री प्राजक्त तनपुरे म्हणाले –

“संघर्षातून पुढे आलेल्या या तरुण सरपंचाला तालुकाध्यक्षपदाची जबाबदारी देणे म्हणजे नव्या नेतृत्वाला प्रोत्साहन आहे. या निर्णयामुळे पक्ष आणि महाविकास आघाडी दोघांनाही बळ मिळेल.”