महात्मा फुले चौकाची विटंबना! जवळा गाव उद्या पूर्ण बंदचा निर्णय! 

 महात्मा फुले चौकाची विटंबना! जवळा गाव उद्या पूर्ण बंदचा निर्णय! 

 ६ ऑगस्ट रोजी ठणठणीत बंदची हाक!
 जामखेड तालुक्यात संतप्त प्रतिक्रिया

राशीन, कर्जत तालुका – क्रांतीसूर्य महात्मा ज्योतिराव फुले यांच्या चौकावरील पाटीची तोडफोड केल्याच्या घटनेमुळे संपूर्ण जिल्ह्यात संतापाची लाट उसळली आहे. या अत्यंत दुर्दैवी घटनेच्या निषेधार्थ जामखेड तालुक्यातील जवळा गावात उद्या (६ ऑगस्ट) बंदची हाक देण्यात आली आहे.

 दि. २ ऑगस्ट रोजी कर्जत तालुक्यातील राशीन गावात अज्ञात समाजकंटकांनी महात्मा फुले चौकातील फलकाची विटंबना केली. ही घटना समाजाच्या आत्मसन्मानावर थेट घाव घालणारी आहे.

ग्रामस्थांनी एकमुखीपणे हा प्रकार अत्यंत संतप्तपणे हाणून पाडला असून, तात्काळ कायदेशीर कारवाई आणि दोषींना अटक करण्यात यावी, अशी मागणी केली आहे.

 काय म्हणाले आंदोलक?

“महात्मा फुले यांनी आयुष्यभर शोषित-वंचितांसाठी लढा दिला. त्यांच्या स्मारकाची विटंबना म्हणजे संपूर्ण समाजाचा अपमान आहे. हा प्रकार आम्ही कदापि सहन करणार नाही. जबाबदारांना तत्काळ शिक्षा झालीच पाहिजे!”

 निवेदनावर सह्या करणाऱ्यांमध्ये:
महेश निमोणकर, संतोष गव्हाणे, सोमनाथ राऊत, संतोष मोहळकर, नितीन कोल्हे, विकास मासाळ, दिगांबर जगताप, किरण हजारे, अक्षय हजारे, शुभम हजारे, वैभव हजारे, अक्षय म्हेत्रे, दिगांबर म्हेत्रे, श्याम म्हेत्रे आदींचा समावेश आहे.