निरंकारी मिशनच्या वतीने वनसेस वन परियोजने अंतर्गत वृक्षारोपण संपन्न

अहमदनगर : सद्गुरु माता सुदीक्षाजी महाराज आणि निरंकारी राजपिता रमितजी यांच्या दिव्य मार्गदर्शनाने मिशनच्या वतीने पर्यावरण संरक्षणाच्या उद्देशाने वनसेस वन नामक मेगा वृक्षारोपण परियोजना सुरु करण्यात आले. या उपक्रमाच्या चौथ्या टप्प्याच्या प्रारंभ निमित्त देशभरात 600 हून अधिक ठिकाणी मिशनच्या स्वंयसेवकांनी एकत्र येत समूह वृक्षारोपणचा कार्यक्रम मोठ्या उत्साहात ठिकठिकाणी पार पडला. यात हजारो वृक्षांची लागवड करण्यात आली. मंडळाच्या नगर शाखेच्या वतीने सुद्धा तपोवन रोड स्थित नियोजित निरंकारी सत्संग भवनच्या प्रांगणात व परिसरात वृक्षारोपण करण्यात आले. तसेच मागील वेळेस लावण्यात आलेल्या वृक्षांचा परिसर स्वच्छा करण्यात आला. या प्रसंगी मंडळाचे नगर झोन प्रमुख हरीष खुबचंदानी, निरंकारी सेवादलचे क्षेत्रीय संचालक आनंद कृष्णानी, सेवादल संचालक अनिल टकले, सेवादल शिक्षक शिवाजी भोसले, दीपाली येनगंदूल यांच्यासह मोठ्या संख्येने सेवादलचे महिला, पुरुष सदस्य उपस्थित होते.

पर्यावरणाचा समतोल राखण्यासाठी व पर्यावरण संरक्षणाच्या हेतूने सदगुरु माताजींच्या आदेशानुसार निरंकारी भक्तांनी ज्या उत्साहाने वृक्षारोपण केले त्याच उत्साहाने त्योच जतन, संगोपन करीत आहेत. मागील तीन वर्षात अडीच लाखाहून अधिक वृक्षांचे रोपण केले गेले असून यंदाच्या चौथ्या टप्प्यात देशभरात लाखाहून अधिक वृक्षांची लागवड करतील अशा प्रकारे ते लघुवनाच्या रुपात प्रफुल्लीत होऊ शकेल. वृक्षांची संख्या वाढल्याने केवळ आसपासच्या वातावरणाचा प्रदूषणापासून बचाव होईल, इतकेच नव्हे तर स्थानिक तापमान देखील नियंत्रणात राहिल. निरंकारी मिशन वेळोवेळी अशा कल्याणकारी योजना कार्यान्वित करुन, पर्यावरण संरक्षण व धरती मातेला सावणरण्यामध्ये आपली महत्वपूर्ण भूमिका निभावत आहे.