सोनईमध्ये ‘शिवराज्य दाखला मोहीम’!

सोनईमध्ये ‘शिवराज्य दाखला मोहीम’! तहसीलदारांच्या हस्ते 42 लाभार्थ्यांना मिळाले सरकारी दाखले

सोनई | 1 जुलै – छत्रपती शिवाजी महाराज यांच्या नावाने सुरु करण्यात आलेल्या “महाराजस्व अभियान” अंतर्गत सोनई मंडळात एक विशेष शिबिर भरवण्यात आले. महसूल विभागाच्यावतीने राबवलेल्या या मोहिमेत तहसीलदार डॉ. संजय बिरादार यांच्या हस्ते 42 लाभार्थ्यांना विविध सरकारी योजना व दाखले वाटप करण्यात आले.

शिबिराच्या अध्यक्षस्थानी राजेंद्र निंबाळकर (श्रावणबाळ मातापिता संघाचे अध्यक्ष) होते, तर प्रमुख पाहुणे म्हणून नायब तहसीलदार संदीप चिंतामणी आणि पुरवठा निरीक्षक सुदर्शन दुर्योधन उपस्थित होते.

“या मोहिमेचा उद्देश म्हणजे सामान्य जनतेला थेट शासकीय योजनांचा लाभ देणं. पुढील काळात आणखी मोठ्या प्रमाणावर शिबिरं राबवण्यात येणार आहेत,” असे तहसीलदार डॉ. बिरादार यांनी सांगितले.

या शिबिरात लाभार्थ्यांना संजय गांधी निराधार योजना, रेशन कार्ड लाभ, अ‍ॅग्रीस्टेक कार्ड नोंदणी अशा विविध योजनांचे दाखले देण्यात आले.

उपस्थित मान्यवरांमध्ये:
प्रशांत कांबळे (मंडळ अधिकारी), तलाठी सतीश पवार, माकोने, सुभाष राख, अरुण दरंदले, पत्रकार अशोक भुसारी, विजय खंडागळे व कोतवाल सुरेश साळवे यांचा समावेश होता.

सूत्रसंचालन सुभाष राख यांनी केले.