“चाळाची पंचमी आता टाळावर आली!”

कधी नाचगाण्याची जत्रा म्हणून ओळखली जाणारी जामखेडची नागपंचमी, आता टाळ-मृदंगाच्या गजरात हरिनाम सप्ताह आणि महापूजांच्या सोहळ्याने उजळली आहे!

 2004 पासून पत्रकार संतोष बारगजे यांच्या पुढाकाराने सुरु झालेल्या श्रीनागेश्वर पालखी सोहळ्याने नागेश मंदिराला नवसंजीवनी दिली! याआधी कोणी जातही नसे त्या मंदिरात – आज इथं भाविकांची रांग लागते.

 दर सोमवारी महापूजा, शिवरात्रीला पारायण, भजनी मंडळांची उपस्थिती, होमहवन… आणि आकर्षक फुलांनी सजलेली श्रीनागेश्वर मूर्ती – आजचा युवा वर्गही श्रद्धेने जोडलेला!

 टाळांची दिंडी, जयघोषांचा उत्सव!
नवीन ‘पालखी मार्ग’, काँक्रिट रस्ते, पथदिवे – हे सगळं शक्य झालं लोकसहभागाने आणि आमदार रोहित पवार यांच्या प्रयत्नाने!

 “हर हर महादेव!” च्या जयघोषात श्रीनागेश्वराची पालखी पुण्यश्लोक चौक, शिवाजी पेठ, जयहिंद चौकमार्गे मंदिरात पोहोचते आणि होते महाप्रसाद!

आज नागपंचमी म्हणजे एकतेचं, श्रद्धेचं आणि संस्कृतीचं प्रतीक – टाळावर आलेली पंचमी!