निसर्ग व सामाजिक पर्यावरण प्रदूषण निवारण मंडळाचे पाचवे पर्यावरण संमेलन राळेगणसिध्दीत

निसर्ग व सामाजिक पर्यावरण प्रदूषण निवारण मंडळाच्या वतीने पाचवे पर्यावरण संमेलन राळेगणसिध्दी (ता. पारनेर) येथे ज्येष्ठ समाजसेवक अण्णासाहेब हजारे यांच्या मार्गदर्शनाखाली होणार आहे. या पार्श्‍वभूमीवर मंडळाच्या पदाधिकार्‍यांनी अण्णा हजारे यांची भेट घेऊन संमेलनाच्या पार्श्‍वभूमीवर चर्चा केली. यावेळी मंडळाचे प्रमोद मोरे, वैभव मोरे, पै. नाना डोंगरे, डॉ. महेंद्र गागरे (पुणे), मारुती कदम, धीरज वाटेकर (चिपळूण), विलास म्हाडिक, बाळासाहेब जठार, प्रमोद काकडे (दौंड), बाळासाहेब भोर, सुभाष वाखारे, सुधाकर शेटे, तुकाराम अडसुळ, राजाराम ढवळे आदी उपस्थित होते.

या संमेलनात नगर जिल्ह्यातील पर्यावरणप्रेमी सहभागी होणार असून, पर्यावरण संवर्धन व प्रदूषण निवारणासाठी उपाययोजना यावर विचारमंथन होऊन त्या दिशेने कार्य केले जाणार आहे. हे संमेलन दि.25 व 26 डिसेंबर रोजी होणार आहे. यापुर्वी हे संमेलन राळेगणसिध्दी, चिपळूण (कोकण) व भूतानमध्ये पर्यावरण प्रेमींच्या उपस्थितीमधे पार पडले होते. तिसर्‍यांदा हे संमेलन राळेगणसिध्दीत होत असून, सदरचे संमेलन यशस्वी करण्यासाठी जिल्ह्यातील पदाधिकारी प्रयत्नशील आहेत.