आदिवासी विद्यार्थ्यांचा आवाज बुलंद – आमदार लहामटे व डॉ. जयश्री थोरातांचा ठाम पाठिंबा! 

 आदिवासी विद्यार्थ्यांचा आवाज बुलंद – आमदार लहामटे व डॉ. जयश्री थोरातांचा ठाम पाठिंबा! 

संगमनेर | 
संगमनेर तालुक्यातील घुलेवाडी शासकीय विश्रामगृहातील आदिवासी विद्यार्थ्यांचे आंदोलन दिवसेंदिवस तीव्र होत आहे. जवळपास २५० हून अधिक विद्यार्थी उपोषणाला बसलेले आहेत आणि त्यांच्या न्याय्य मागण्यांसाठी आता आमदार किरण लहामटे व डॉ. जयश्री थोरात यांनी थेट मैदानात उतरून ठामपणे पाठिंबा जाहीर केला आहे. 

 विद्यार्थ्यांनी प्रशासनाकडे मागितलेल्या सुविधांमध्ये –

•  वस्तीगृहाला रंगरंगोटी
•  ग्रंथालयात पुस्तकांची वाढ
•  नवीन संगणक
•  लाईट दुरुस्ती
•  गरम पाण्याची सोय
•  व्यायामशाळा व क्रीडा सुविधा
•  स्वच्छता कर्मचाऱ्यांची वाढ
•  स्टडी रूमची उभारणी
•  ५ किमीपेक्षा दूर राहणाऱ्या विद्यार्थ्यांना प्रवास भत्ता

या ज्वलंत मागण्या पूर्ण न झाल्यानेच विद्यार्थ्यांना उपोषणाचा मार्ग स्वीकारावा लागला आहे.

 यावेळी डॉ. जयश्री थोरात यांनी आंदोलनस्थळी भेट देत विद्यार्थ्यांना दिलासा दिला. त्यांनी स्पष्ट सांगितले – “विद्यार्थ्यांना चांगल्या सुविधा मिळणे हा त्यांचा हक्क आहे, त्यात कोणतीही टाळाटाळ चालणार नाही!”  त्यांनी आदिवासी आयुक्त लीना बनसोड यांच्याशी थेट फोनवर संपर्क साधून मागण्या तातडीने निकाली काढण्याची मागणी केली. 

 आमदार किरण लहामटे यांनीही विद्यार्थ्यांच्या व्यथा जाणून घेत कठोर शब्दांत प्रशासनाला सुनावलं –
“शिक्षण ही मुलभूत गरज आहे. आदिवासी विद्यार्थ्यांची गैरसोय कोणत्याही परिस्थितीत सहन केली जाणार नाही! वस्तीगृहाची क्षमता तातडीने वाढवावी, जवळपास नवीन इमारत शोधून विद्यार्थ्यांची व्यवस्था करावी आणि सर्व अडचणी त्वरित दूर कराव्यात.” 

 या संपूर्ण प्रकरणावरून स्पष्ट दिसते की, संगमनेर व अकोले तालुक्यातील आदिवासी विद्यार्थ्यांच्या समस्या सोडवल्याशिवाय संघर्ष थांबणार नाही.

 आंदोलनस्थळी काँग्रेस तालुकाध्यक्ष अजय फटांगरे, आदिवासी विभाग अध्यक्ष बाळकृष्ण गांडाळ, प्रकल्प अधिकारी देवकन्या बोडके आदी मान्यवरांची उपस्थिती होती.

 विद्यार्थ्यांचा निर्धार, आमदारांचा ठाम इशारा आणि जनतेचा वाढता पाठिंबा – या सगळ्यामुळे प्रशासनावर प्रचंड दबाव वाढला आहे. आता पुढे शासन विद्यार्थ्यांच्या मागण्या किती लवकर मान्य करते, याकडे सगळ्यांचे लक्ष लागले आहे! 

 

#MetroNews #Sangamner #AdiwasiVidyaarthiAndolan #KiranLahamate #JayashreeThorath #StudentPower