स्वातंत्र्याच्या ७५वर्षपूर्तीनिमित्ताने आगाखान पॅलेसमध्ये कार्यक्रमाचे

रिजनल ब्युरो ऑफ आऊटरिच आणि पुणे प्रशासनचे आयोजन

Last updated Mar 15, 2021

पुणे : देशाला स्वातंत्र्याच्या ७५वर्षपूर्तीनिमित्ताने पुर्ण होणार असल्याच्या निमित्ताने पुण्यातील ऐतिहासिक अशा आगाखान पँलेस मध्ये रिजनल ब्युरो आँफ आऊटरीच आणि पुणे जिल्हा प्रशासन यांच्या संयुक्त विद्यमाने विविध कार्यक्रमाचे आयोजन करण्यात आले होते. याला पुणेकरांनी चांगला प्रतिसाद दिला. पंतप्रधान नरेंद्र मोदी यांच्या उपस्थितीत नुकतेच स्वातंत्र्याच्या अमृतमहोत्सवाला सुरवात झाली असुन येणा-या काही दिवसा देशभरात ठिकठिकाणी विविध कार्यक्रम रिजनल ब्युरो आँफ आऊटरीच यांच्या वतीने घेतले जाणार आहे. या कार्यक्रमाच्या माध्यामातुन क्रांतिवीर,महान व्यक्ती यांनी स्वातंत्र्याकरता केलेल्या संघर्षाच्या गाथा नागरिकांसमोर मांडल्या जाणार आहे. पुण्यातील ऐतिहासिक आगाखान पँलेस हा स्वातंत्र्याचा साक्षीदार असुन याच ठिकाणी 1942 ला जेव्हा भारताला स्वातंत्र्य मिळणार होते.

Also see this and subscribe

त्याच उंबरठयावर महात्त्मा गांधी यांना ब्रिटिशांनी याच आगाखान पँलेस मध्ये 21 महिन्याकरता कैद केले होते. तसेच त्याची पत्नी कस्तुरबा गांधी आणि त्याचे खाजगी सचिव महादेव देसाई यांचे स्मारकही तसेच महात्त्मा गांधी यांच्याअस्थीही याच परिसरात असल्याने या पँलेसला वेगळे असे महत्व आहे. याकरता नविन पिढीला गांधीजींसह इतर क्रांतिवीर,महान व्यक्तीचे कार्य कळावे याकरता रिजनल ब्युरो आँफ आऊटरीच आणि पुणे जिल्हा प्रशासनच्यावतीने विविध कार्यक्रमाचे आयोजन करण्यात आले होते. स्वातंत्र्याच्या ७५वर्षपूर्तीनिमित्ताने पुणे विदयापीठाच्या एनएसएस च्या विदयार्थ्यांही यात सहभागी झाले होेते. तसेच भाजपचे प्रदेशाध्यक्ष ,आमदार चंद्रकांत पाटील ,खासदार गिरीश बापट यांनी या उपक्रमात सहभाग घेतला.स्वातंत्र्यसेैनिकांनी केलेल्या बलिदानाबद्दल लोकांना माहिती देण्याकरता रिजनल ब्युरो आँफ आऊटरीच यांच्या वतीने आगाखान पँलेच्या आवारात फोटो प्रदर्शन भरविले असुन हे प्रदर्शन सोमवार पर्यत सुरु राहणार आहे.