संग्राम जगताप यांचा विक्रमी विजयी!

अहिल्यानगर : नगर शहर विधानसभा निवडणुकीचा अंतिम निकाल आज शनिवारी 23 नोव्हेंबर रोजी दुपारी दोन वाजता जाहीर झाला असून संग्राम जगताप विक्रमी मतांनी विजयी झाले आहेत. संग्राम जगताप यांना 1 लाख 17 हजार 332 मते मिळाली आहेत त्या खालोखाल राष्ट्रवादी शरदचंद्र पवार गटाचे उमेदवार अभिषेक कळमकर यांना 77 हजार 880 मत मिळाली आहेत. तिसऱ्या क्रमांकावर मनसेचे सचिन डफळ यांना ११०० मत मिळाली असून त्यांच्यासह उर्वरित उमेदवारांचे डिपॉझिट जप्त करण्यात आले . संग्राम जगताप हे विजयी झाल्यानंतर नगरच्या चौका चौकात फटाक्यांची आतिषबाजी करण्यात आली . संग्राम जगताप यांच्या नगर पुणे रस्त्यावरील अक्षरा गार्डन समोरील कार्यालयात फटाक्यांची लढ लड लावून गुलालाची उधळण करून पदाधिकारी आणि कार्यकर्त्यांनी एकच जल्लोष केला .