‘पुष्पा २’ची लांबी २० मिनिटांनी वाढणार!

मनोरंजन : ‘पुष्पा २’ची लांबी २० मिनिटांनी वाढणार ‘पुष्पा २’ चित्रपट बॉक्स ऑफिसवर चांगलाच धुमाकूळ घालतोय. २ डिसेंबरला थिएटरमध्ये रिलीज झालेला ‘पुष्पा २’ बघायला प्रेक्षकांची हाऊसफुल्ल गर्दी झाली. अशातच ‘पुष्पा २’च्या चाहत्यांसाठी एक आनंदाची. बातमी आहे. ‘पुष्पा २’ मध्ये आणखी २० मिनिटं अधिक केली जाणार असून नव्या फुटेजसह ‘पुष्पा २’ थिएटरमध्ये लवकरच रिलीज होणार आहे. सुत्रांनुसार, ‘पुष्पा २’ मध्ये आणखी २० मिनिटं वाढणार असून तब्बल पावणे चार तास म्हणजेच ३ तास ४० मिनिटं लांबीचा ‘पुष्पा २’ प्रेक्षकांना बघण्याची संधी मिळणार आहे. देशभरात १०४३.९५ कोटींची केली कमाई ‘पुष्पा २’ चित्रपटाने १८व्या दिवशी देशातील सर्वाधिक कमाई करणाऱ्या ‘बाहुबली २’ चित्रपटाचा विक्रम मोडला आहे. त्यानंतर या चित्रपटाच्या कमाईमध्ये दररोज वाढ होत गेली. ज्यामध्ये या चित्रपटाने १८व्या दिवशी एकूण १०४३.९५ कोटींची कमाई केली.