संगमनेरमध्ये राजकारणात नव्या लेव्हलचा ड्रामा!
माजी मंत्री बाळासाहेब थोरात यांनी थेट टोला लगावला – “ही सगळी गेमप्लॅन लोकल बॉडी निवडणुकीसाठी आहे, खऱ्या आयुष्यात काही घडलंच नाही!”
घुलेवाडी येथे कीर्तनकार संग्राम बापू भंडारे महाराज यांनी धडाकेबाज वक्तव्य केलं – “मला नथुराम गोडसे व्हावं लागेल”. यावर प्रतिक्रिया देताना थोरातांनी प्रेस कॉन्फरन्समध्ये सगळा भडका उडवला.
थोरात म्हणाले – “महाराजांनी अभंग बाजूला ठेवून पॉलिटिक्स सुरु केलं. एका तरुणाने त्यांना प्रश्न विचारला, त्यावर रागावून त्याला ‘सायको’ म्हटलं. त्यांच्यावर कुणी हल्ला केला नाही, मारहाण नाही, गाडीची तोडफोड नाही. फक्त सोशल मीडियावर पॉलिटिकल स्वार्थ साधण्यासाठी ही घटना फुगवली गेली आहे.”
थोरातांचा पुढचा स्फोट “पोलिसांवर दबाव आणून युवकांवर खोटे केस टाकले जात आहेत.” “संगमनेरला बदनाम करून विकास अडवण्याचा खेळ सुरु आहे.” “आज राजकारण इतक्या खालच्या स्तरावर गेलंय की नवीन आमदार डीएनए चाचणीची भाषा करतात. डीएनए म्हणजे काय तरी माहित आहे का त्यांना?”
थोरातांनी कीर्तनकार महाराजांनाही सल्ला दिला – “संतांचे सप्ताह समाजप्रबोधनासाठी असतात. पण आज काही महाराजांनी थेट राजकारणात घुसखोरी केली आहे. समाजात नकारात्मकता पसरवली जात आहे. हे आपलं कल्चर नाही.”
आणखी एक भारी पंच “मी गांधी नाही, पण जर त्यांच्यासारखं बलिदान द्यावं लागलं, तरी मला अभिमानच वाटेल!”
थोरातांनी नव्या पिढीच्या नेत्यांवरही जोरदार निशाणा साधला आणि निवडणूक आयोगालादेखील टोमणा मारला – “त्यांची भाषणं म्हणजे जणू कुणीतरी स्क्रिप्ट लिहून दिलेली असतात. ते आता राजकीय पक्षच स्थापन करावा लागेल!”
संगमनेरमध्ये ही राजकीय ठिणगी आता मोठ्या वादळाचं रूप घेते की नाही, हे पाहणं भारी ठरणार आहे!
“महाराजांनी अभंग बाजूला ठेवून पॉलिटिक्स सुरु केलं. एका तरुणाने त्यांना प्रश्न विचारला, त्यावर रागावून त्याला ‘सायको’ म्हटलं. त्यांच्यावर कुणी हल्ला केला नाही, मारहाण नाही, गाडीची तोडफोड नाही. फक्त सोशल मीडियावर पॉलिटिकल स्वार्थ साधण्यासाठी ही घटना फुगवली गेली आहे.”
