‘शिक्षक’ची निवडणूक ढकलली पुढे

शिक्षक आमदारकीची निवडणूक 10 जूनला जाहीर झाल्यामुळे लोकसभेचे निवडणूक ड्युटी आटोपून सुट्टीवर जाणाऱ्या शिक्षकांच्या आनंदावर विरजण पडलं होतं. निवडणूक आयोगाने जाहीर कार्यक्रम तूर्त मागे घेतला आहे. शिक्षक भरतीचे कार्याध्यक्ष सुभाष मोरे यांनी आमदार कपिल पाटील यांच्यासोबत दिल्लीत जाऊन भारत निर्वाचन आयोगाकडे मागणी केली होती. त्याबाबत हायकोर्टात याचिकाही दाखल केली होती. निवडणूक आयोगाने 10 जूनला शिक्षक व पदवीधर मताधिक मतदारसंघात निवडणूक जाहीर केली होती. त्यामुळे हजारो शिक्षक मतदानापासून वंचित राहणार होते. त्यांना आयोगाने निवडणूक पुढे ढकलल्याने मोठा दिलासा मिळाला आहे. डॉ. बाबासाहेब आंबेडकर यांनी दिलेला शिक्षकांचा मताधिकार सुरक्षित केल्याबद्दल सुभाष मोरे यांचे आमदार कपिल पाटील आणि शिक्षक भारतीचे अध्यक्ष अशोक बेलसरे यांनी अभिनंदन केले. राज्य सरकारच्या शिक्षण विभागाने दोन मे ते 14 जून पर्यंत सुट्टी कालावधी जाहीर केला आहे. शाळा 15 जून नंतर सुरू होणार आहे. तसेच 17 जून ते 20 जून पर्यंत बकरी ईद निमित्त उर्दू माध्यमांची शाळांना सुट्टी असते. मुंबईतील शिक्षक पदवीधर मतदारसंघातील उत्तर भारतीय शिक्षक टीचर्स स्पेशल ट्रेन 11 जून रोजी मुंबईत परतणार आहे. तसेच महाराष्ट्रातील अनेक शिक्षक सुट्टी कालावधीत मूळ गावी किंवा कुटुंबासह पर्यटनासाठी बाहेरगावी गेले आहेत. उपरोक्त सर्व बाबींचा उल्लेख शिक्षक भारतीच्या वतीने निवडणूक आयोग आणि हायकोर्टात दाखल करण्यात आलेल्या याचिकेत केला होता. याची दखल घेत आयोगाने निवडणूक पुढे ढकलली मोरे यांनी प्रसिद्धी पत्रकात म्हटले आहे.