राहुरीत मोठा खुलासा! महिला दरोडेखोरांची टोळी पोलिसांच्या जाळ्यात
संत महिपती महाराज यात्रेत लूटपाटीचा कट उधळला; ६ जण पोलीस कोठडीत
संत महिपती महाराज यात्रेत लूटपाटीचा कट उधळला; ६ जण पोलीस कोठडीत
राहुरी | पोलीस न्यूज नेटवर्क अपडेट
राहुरीत सुरू असलेल्या संत महिपती महाराज यात्रेच्या गर्दीत घुसून लूट करण्याचा प्लॅन करणारी महिला-पुरुषांची टोळी अखेर पोलिसांच्या जाळ्यात अडकली!
२३ जुलै रोजी गोपनीय माहितीच्या आधारे पोलिसांनी सरळ छापा टाकत एकूण ६ जणांना दरोड्याच्या तयारीसह ताब्यात घेतले.
पकडलेले आरोपी –
संगीता गायकवाड (45)
परिगा राखपसरे (60)
सरस्वती खंदारे (52)
मोनिका चव्हाण (19)
सहारा चव्हाण (19)
असलम शेख (39)
हे सर्वजण यात्रेत गर्दीचा फायदा घेत भाविकांची लूट करण्याच्या तयारीत होते. पोलिसांनी पंचांसह सापळा रचून त्यांना रंगेहाथ पकडलं.
आरोपींवर IPC कलम 399 अंतर्गत दरोड्याच्या तयारीचा गुन्हा दाखल करण्यात आला असून, पाच दिवसांची पोलीस कोठडी सुनावण्यात आली आहे.
“आधीच माहिती मिळाल्यामुळे मोठा अनर्थ टळला. यात्रेतील भाविक सुरक्षित आहेत,”
– पीआय संजय ठेंगे, राहुरी
ही कारवाई संजय ठेंगे यांच्या नेतृत्वाखाली पीएसआय गणेश वाघमारे, हवालदार विकास साळवे, महिला पोलीस वंदना पवार आदींनी केली. तपास सुरू आहे.
यात्रेच्या गर्दीत लपून लुटीचा कट रचणाऱ्या टोळ्यांविरोधात पोलिसांचं सतर्क जाळं आता आणखी कडक!