दहा हजार तरुणांना रोजगार उपलब्ध व्हावा हा आपला उद्देश

नगरचे आमदार संग्राम जगताप यांनी  पत्रकार परिषद घेऊन किरण काळे यांनी केलेल्या दाव्याचा इन्कार केलाय. काळे यांनी हे आय टी पार्क नावाला सुरु असल्याचा आरोप केला होता. त्यामुळे जगताप यांनी आपली भूमिका मांडली .

नगरमधील युवकांना रोजगाराच्या संधी उपलब्ध व्हाव्या यासाठी मोठ्या कष्टाने आणि मेहनतीने आपण नगरच्या एमआयडीसीतील आय टी पार्क सुरु केला. लोकडाऊनच्या अगोदर या आय टी पार्क द्वारे नगरमधील दहाहजार तरुणांना रोगावर उपलब्ध व्हावा अशी आमची या आयटी पार्क सुरु करण्यामागची संकल्पना होती . मात्र यात राजकारण आणून निव्वळ सवंग प्रसिद्धीसाठी या पार्क च्या उभारणीबाबत खोटेनाटे आरोप केले जात आहेत. आय टी पार्क माझ्या एकट्याचा नाही जर तुमच्यात धमक असेल तर तुम्ही या आय टी पार्क मध्ये कंपन्या आणाव्या पण तिकडे जाऊन धिंगाणा घालू नये , तेथे काम करणाऱ्यामध्ये महिलावर्गाची संख्या जास्त आहे. तेव्हा काहीतरी विनाकारण खुसपट काढून त्या आय टी पार्कमध्ये घुसून धुडगूस घालणे योग्य नाही . या घटनेने तेथे  घबराटीचे वातावरण आहे. यामुळे जर आय टी पार्क बंद पडला तर शेकडो तरुणाच्या पोटावर पाय देण्याचे पाप तुमच्या हातून घडेल तेव्हा कोणत्याही परिस्थितीत हे आय टी पार्क चालविणाऱ्या कंपन्या आपण बंद पडू देणार नाही आय टी पार्क हे कुण्या एकट्याच्या मालकीचे नाही ते काही राजकीय पक्षाचे कार्यालय नाही त्यामुळे हे आय टी पार्क आपण बंद पडू देणार नाही उलट तिथे आणखी आय टी कंपन्या आणण्याचा आपण प्रयत्न करू असा निश्चय आमदार संग्राम जगताप  यांनी केलाय.