पतंगाच्या मांजापासून रक्षण करणार शिक्षक डॉ.अमोल बागुल यांनी बनवलेला लाइफ रॉड अणि कॉलर जॅकेट

अहमदनगर : नायलॉन व जीवघेण्या चिनी मांजापासून दुचाकीस्वारांना दिवसात त्याचबरोबर पतंगांच्या दिवसांत  संरक्षण मिळावे त्याच बरोबर रस्तालुटीच्या प्रकरणात काही ठिकाणी आडव्या तारा बांधल्या जातात यापासून संरक्षण मिळावे म्हणून येथील दोन राष्ट्रपती पदकांनी सन्मानित संशोधक शिक्षक तथा जगातील सर्वाधिक पारितोषिके विजेते कलाकार डॉ . अमोल बागुल यांनी दुचाकीच्या हँडलला लावण्यासाठी लाइफ रॉड व दुचाकीस्वाराच्या गळ्याला लावण्यासाठी कॉलर जॅकेट तयार केले असून यामुळे अनेक अपघात टळून जीवितहानी होणार नाही तसेच या दोन्ही संकल्पनांच्या निर्मितीचे पेटंट , ट्रेडमार्क , कॉपीराइट आय.एस.ओ. प्रमाणीकरण व तसेच अधिकार जगभरातील दुचाकी निर्मिती कंपन्यांना मोफत देण्याचे डॉ . बागुल यांनी जाहीर केले आहे . २०० ग्रॅम वजनाचा लाईफ रॉड हा साधारणतः दीड ते दोन फुटांचा धातूचा पोकळ पाईप असून यावर रात्री चमकणारे रेडियम लावले आहे . त्यावर मांजा अडकुन तूटण्यासाठी अणकुचीदार खाचा देखील तयार करण्यात आल्या आहेत . लाईफ रॉड वॉटरप्रुफ असून दुचाकीस्वाराचा डाव्या बाजूच्या आरशाच्या नटबोल्टमध्ये हा लाईफ रॉड काही सेकंदांमध्ये सहजपणे बसवता येतो व काढताही येतो . यासाठी अंदाजे खर्च १३० रुपये येतो . कॉलर जॅकेटमध्ये हाय डेन्सिटी पॉलिप्रॉपीलीन या प्लास्टिकसदृश्य पण मजबूत पदार्थ तसेच हीटलॉनचा वापर करण्यात आला असून घातक मांजाने ते कापले जात नाही . यास छातीकडील व चेहऱ्याच्या हनुवटीकडील भागास सपोर्टर लावण्यात आलेले आहेत . हेल्मेट घातल्यानंतर गळ्याचा जो भाग उरतो तेवढ्या भागावर हे कॉलर जॅकेट लावता येईल . यावर देखील मांजा अडकण्यासाठी खाचा करण्यात आलेल्या आहेत . त्याचे वजन ७० ग्रॅम असून वॉटरप्रूफ आहे . अंदाजे खर्च ३० रुपये येतो . डॉ . बागूल यांच्या या दोन संशोधनांच्या संकल्पनांनुसार उद्योजक निलेश पठारे , उद्योजक सुनील मोरे व उद्योजक जिम्मी वधवा यांनी डॉ . बागुल यांना वस्तू संशोधन निर्मितीत महत्त्वाचे मार्गदर्शन व सहकार्य केले . भारतातील हिरो , होंडा , बजाज , ओला , यामाहा , जावा , केजीएफ , केटीएम , टीव्हीएस , महिंद्रा , रॉयल इन्फिल्ड , अथर एनेर्जी यासारख्या मातब्बर दुचाकी कंपन्यांबरोबरच सुमारे ३३ देशांतील १५० प्रकारच्या दुचाकी निर्माण कंपन्यांना कंपन्यांना बागुल करणाऱ्या यांनी हे संशोधन ऑनलाइन पाठवले असून नवीन दुचाकी विकत घेतानाच ग्राहकाला इतर दुचाकीबरोबर क्सेसरीजबरोबर हा लाइफ रॉड आग्रहाने देण्यात यावा असे आवाहनही त्यांनी सदर कंपन्यांना केले आहे . भारतातील तसेच जगभरातील दुचाकी रचना व डिझाईन करणाऱ्या कोड ऑफ व्हेईकल डिझाईन ( वाहन रचना संहिता अधिनियम ) आस्थापने यांना देखील नवीन दुचाकी रचना करताना या रॉडचा आग्रहाने समावेश करावा असे आवाहन डॉ . बागूल यांनी केले आहे . तसेच नितिन गडकरी ( केंद्रीय रस्ते , वाहतूक आणि महामार्ग तसेच सूक्ष्म लघु व मध्यम उद्योग मंत्री ) , अॅड अनिल परब ( परिवहन व संसदीय कार्यमंत्री ) तसेच सतीश पाटील ( राज्यमंत्री गृह , शहरे , गृहनिर्माण , परिवहन , माहिती तंत्रज्ञान , संसदीय कार्य , माजी सैनिक कल्याण ) , रस्ते वाहतूक आणि महामार्ग मंत्रालय , आर टी ओ मोटार वाहन विभाग महाराष्ट्र आदी ठिकाणी देखील हे संशोधन ऑनलाइन पाठवले आहे .