काँग्रेसनेते विनायकराव देशमुख बिहार निवडणुकीचा प्रचार करताना चक्क मिठाईच्या प्रेमात    

या स्थळांच्या जवळच  “हाँटेल सिध्दार्थ ” येथे माझी निवासाची व्यवस्था आहे.पर्यटन स्थळ असल्यामुळे जैन ,मारवाडी पद्धतीच्या जेवणाची  दर्जेदार व्यवस्था आहे. त्यामुळे माझ्या आवडीचे जेवण मला मिळते. जवळपास आठ दिवसापासून इथेच असल्यामुळे माझी आता या बहुतांश मंडळींशी चांगली ओळख झाली आहे. त्यामुळे काही निवांतक्षणी वेळ मिळेल तसा, मी त्यांच्याशी गप्पा मारतो आणि त्यांची संस्कृती समजून घेण्याचा प्रयत्न करतो.

अशापैकीच एक म्हणजे ‘हर हर महादेव मिष्टांन्न भांडार’ .इथला फक्कड चहा प्यायला लोक लांबुन येतात. दररोजची ताजी मिठाई हे इथले वैशिष्ट्य. सकाळी बनविलेली मिठाई संध्याकाळ पर्यंत संपलेली असते.

पेढे, गुलाबजाम, मलाईबर्फी, खाजा, चुरमा ,जिलेबी यासोबतच गरमागरम मसाला दुध असा दररोज बदलता मेनु असतो. सकाळी मी चहाला त्याच्याकडेच जातो. त्याचवेळी विचारुन ठेवतो, ” आज क्या बना रहे हो ” , मग त्याच्या उत्तरानुसार माझे  ‘मिठाईग्रहणाचे नियोजन’ निश्चित होते.एवढं वर्णन केल्यावर तुम्हाला वाटेल “भारीच दुकान दिसतय.”  भारी वगैरे काही नाही, अगदी साधं टपरीछाप दुकान आहे. पण रोजची विक्री किमान पन्नास हजार रुपये तरी असेल., मात्र दुकानाच्या मालकाच्या कष्टाला तोड नाही. सकाळी सात पासुन रात्री ९.३० पर्यंत पठ्ठ्या दुकानातच असतो.

दुध आटवणे, खवा तयार करणे, पेढे बांधणे, गुलाबजाम बनविणे. हि सगळी कामे स्वतः करतो. हाताखाली दोन तीन मदतणीस आहेत.मात्र या माणसाचे कष्ट पाहील्यावर वाटते, आपण तर काहीच कष्ट करत नाही.

आज या माणसाला म्हटलं , “तुमचा एक फोटो घेऊ का ? त्याने आनंदाने संमती दिली असं त्यांनी आपला अनुभव शेअर करताना सांगितलं आहे.