नेप्तीत स्वातंत्र्य दिनानिमित्त स्वच्छतेचा संदेश

नगर – नगर तालुक्यातील नेप्ती येथे विविध उपक्रमांनी स्वातंत्र्य दिन मोठ्या दिमाखात साजरा करण्यात आला. नेप्ती विद्यालय व जिल्हा परिषद प्राथमिक शाळेच्या विद्यार्थ्यांनी स्वातंत्र्य दिनानिमित्त प्रभात फेरी काढली होती. या फेरीत स्वच्छता अभियान ,पर्यावरण संवर्धन व प्लास्टिक मुक्तीचा संदेश देण्यात आला. भारत मातेच्या जयघोषाने गावचा परिसर दुमदुमला होता. विद्यार्थ्यांनी देशातील महात्मे व महापुरुषांची वेशभूषा परिधान करून सर्वांचे लक्ष वेधले होते. समता परिषदेच्या कार्यकर्त्यांनी हातात झाडू घेऊन गवत उपटून मंदिर परिसरात स्वच्छता अभियान राबवून मंदिर परिसर स्वच्छ करून झेंड्या भोवती आकर्षक रांगोळी काढून फुलांची सजावट केली होती.

सावता महाराज मंदिरासमोर समता परिषदेचे शाखा अध्यक्ष शाहू होले यांच्या हस्ते ध्वजारोहण करण्यात आले तर ग्रामपंचायत कार्यालयासमोर सरपंच सविता संजय जपकर यांच्या हस्ते ध्वजारोहण करण्यात आले. ग्रामस्थांनी राष्ट्रध्वजास सलामी दिली. विद्यार्थ्यांनी राष्ट्रगीत व ध्वजगीत त्याचे गायन केले. देशभक्तीपर गीते तसेच सांस्कृतिक कार्यक्रम सादर करण्यात आले.

यावेळी समता परिषदेचे शाखा अध्यक्ष शाहू होले म्हणाले कि, भारताला गौरवशाली स्वातंत्र्य लढाईच्या इतिहासाची परंपरा आहे.स्वातंत्र्य दिनाचे औचित्य साधून या सर्वांच्या स्मृतीला उजाळा देण्याचे काम आपण करत असतो .स्वच्छता अभियान ,पर्यावरण संवर्धन आरोग्य शिबिरे, वृक्षारोपन, गरजूंना मदत या छोट्या छोट्या गोष्टीतून आपण देश सेवा करू शकतो.देशाच्या विकासासाठी सर्वांनी प्रेरित होऊन योगदान देण्याची गरज आहे.देशाच्या स्वातंत्र्यासाठी अनेकांनी बलिदान दिले आहे, असे ते म्हणाले.

विद्यार्थ्यांची भाषणे झाली. यावेळी समता परिषदेच्या वतीने विद्यार्थ्यांमध्ये खाऊचे वाटप करण्यातआले.या कार्यक्रमाला समता परिषदेचे तालुकाध्यक्ष रामदास फुले ,उपसरपंच अनिता दादू चौगुले ,माजी सरपंच अंबादास पुंड, संजय जपकर ,वसंत पवार, शिवाजी होळकर, दादू चौगुले, जालिंदर शिंदे, भानुदास फुले ,ग्रामपंचायत सदस्य संतोष चौरे ,विनायक बेल्हेकर, सौरभ भुजबळ, राहुल भुजबळ, सार्थक होले, तेजस नेमाने, कुणाल शिंदे, सिद्धार्थ शिंदे, रमेश रावळे, हर्षद चौरे ,आकाश महाराज फुले, पोलीस पाटील अरुण होले, ग्रामसेवक लालाभाई शेख तलाठी सोमनाथ गलांडे, मुख्याध्यापक महेश जाधव ,पदमा मांडगे सुरेश कार्ले, बाबासाहेब भोर ,राजेंद्र झावरे नानासाहेब घोडके संतोष खरमाळे, बाबुलाल सय्यद, शिवाजी जाधव , राजेंद्र सांगळे, गोरख कोतकर, सीमा कोतकर, राधिका वामन, श्रद्धा भांड, अश्‍विनी पवार, सुनिता परभणे , आशा ढोले, नूतन पाटोळे, मीना काटमोरे शिक्षक व ग्रामस्थ मोठ्या संख्येने उपस्थित होते.