‘झी युवा सन्मान’ पुरस्कार जाहीर 

पुरस्काराच्या मालिकेत दहा क्षेत्रातील युवकांना सन्मानित करण्यात येणार आहे. खोखोपटू सारिका काळे हिला ‘झी युवा क्रीडा सन्मान’ पुरस्कार देण्यात येणार आहे.

भारतीय संस्कृतीत आणि इतिहासातील महापुरुषांच्या विचारांना जगाच्या भाषेत नेण्याचं अद्वितीय काम करणारा योगेश मैत्रेय हा ‘साहित्य सन्मान’ पुरस्काराचा मानकरी ठरला आहे.

सामाजिक बांधिलकी जपणाऱ्या महिला आर्थिक विकास मंडळाच्या ज्योती ठाकरे यांना सामाजिक जाणीव हा पुरस्कार प्रदान करण्यात येणार आहे.

परीक्षित प्रभुदेसाई, अमित भडभडे आणि निनाद वेंगुर्लेकर यांना ‘उद्योजक सन्मान’ पुरस्काराने गौरवण्यात येणार आहे. अनेक अद्भुत शोध ज्यांनी लावले असे सुयोग बुरडकर यांची निवड ‘विज्ञान व तंत्रज्ञान सन्मान’ पुरस्कारासाठी झाली आहे.

मराठी सिनेसृष्टीतील सुप्रसिद्ध गायिका आर्या आंबेकर हिला ‘संगीत सन्मान’चा खिताब प्रदान करण्यात येणार आहे. या व्यतिरिक्त युवा नेतृत्व हा सन्मान ‘रोहित पवार’, अभिनेत्री सोनाली कुलकर्णी हिच्या कला क्ष्रेत्रातील उल्लेखनीय योगदानासाठी ‘कला सन्मान’, अभिनेत्री वैदेही परशुरामी हिला ‘युवा तेजस्विनी चेहरा’ आणि विलास शिंदे यांना बळीराजा सन्मान प्रदान करण्यात येणार आहे.

या व्यक्तिरिक्त कोव्हीड १९ महामारीच्या पार्श्वभूमीवर स्वतःच्या परिवाराची पर्वा न करता दिवस-रात्र लोकांच्या सेवेत रुजू असलेल्या महाराष्ट्र पोलीस, सरकारी इस्पितळातील डॉक्टर्स आणि नर्स, तसेच स्वच्छता कर्मचारी यांचा विशेष सन्मान या सोहळ्यात करण्यात येणार आहे.