तहसीलदार ज्योती देवरे यांनी केले गंभीर आरोप…..!!!!!!! ज्योती देवरे हाजीर हो !!!

ऋषिकेश राऊत 

अहमदनगर

पारनेरच्या तहसीलदार ज्योती देवरे आज कॅमेऱ्यासमोर आल्या व त्यांनी विविध बाबींवर प्रकाश टाकला. व्हायरल क्लिपबाबतचं सत्य सांगतानाच अण्णा हजारे यांच्या भेटीनंतर चुकीच्या बातम्या पसरवल्या जात असल्याबद्दलही त्यांनी तीव्र शब्दांत नाराजी व्यक्त केली. पारनेर च्या महिला तहसील देवरे पुढे म्हणाल्या, ‘जी ऑडिओ क्लिप व्हायरल झाली आहे ती माझीच आहे, पण ती मी व्हायरल केलेली नाही. माझ्या भावाने एका पत्रकार मित्राला दिली आणि मग व्हायरल झाली. क्लिप व्हायरल झाल्यावर अनेकांनी मला धीर दिला आणि मी त्यातून आता सावरले आहे.

वेळ आल्यावर आपलीही विचारशक्ती संपते, याचा मी अनुभव घेतला. माझ्या विरुद्ध पाठविलेल्या अहवालात अनेक तांत्रिक चुका आहेत. चौकशी अहवालाला घाबरून मी हे काहीच केलेले नाही. पण माझ्यावर जो दबाव आणला जात होतो, जी भीती दाखविली जात होती त्यातून मी नकारात्मक विचार केला. आता त्यातून मी बाहेर पडले पण त्रास थांबलेला नाही. विरोधकांना अद्यापही पाझर फुटलेला दिसत नाही’, असे सांगताना मी कोणाची नावं घेतली नाही, घेणारही नाही. त्यांनी स्वतःच समजून घ्यावे अशी माझी इच्छा आहे, असे सूचक विधानही राष्ट्रवादी काँग्रेसचे आमदार नीलेश लंके यांचे नाव न घेता ज्योती देवरे यांनी केले